అదే మాయ, అదే మాధుర్యం

"గోవుళ్ళు తెల్లన గోపయ్య నల్లనా, గోధూళి ఎర్రన ఎందువలన" - సప్తపది సినిమా లోని ఈ పాట జానకి గారు పాడి దాదాపు 30 ఏళ్ళు కావొస్తుంది. చిన్న పిల్లల గొంతుకి జానకి గారి గొంతు మాత్రమె సరిపోయేది ఆ రోజుల్లో.

మొన్న శనివారం నాడు "మా మ్యూసిక్" అవార్డ్స్ కార్యక్రమానికి మేము వెళ్ళాము. జానకి గారికి జీవన సాఫల్య పురస్కారం ఇచ్చారు ఈ కార్యక్రమం లో. దాదాపు 30 ఏళ్ల తరువాత కూడా గొంతు లోని అదే మాయ, మాధుర్యాన్ని వినిపిస్తూ, జానకి గారు చిన్న పిల్లాడి గొంతు లో మల్లి ఇదే పాట  పాడి వినిపించారు. ఒక్క సారి గా సభ  మొత్తం ఈలలు, కరతాలధ్వనులతో  తో మారు మొగిపోయింది. నాలుగు గంటల పాటు జరిగిన కార్యక్రమం లో ఏ ఒక్క సారి కూడా సభ మొత్తం ఒకే సారి ఇంత పెద్ద ఎత్తున చప్పట్లు కొట్టలేదు!

మా అదృష్టం అంతటితో ఆగలేదు. సభ కు విచ్చేసిన వారి కోరికను మన్నిస్తూ, జానకి గారు "మౌనమేలనోయి" పాడారు. సభికుల పులకరింత చూదాల్సిందే తప్ప, చెప్పలేము ! ఒక్క సారిగా అందరు లేచి మరి చప్పట్లు, ఈలలు !

మా అదృష్టం అంతటి తోనూ  ఆగలేదు. జయసుధ గారు మాట్లాడుతూ, "సిరిమల్లె పువ్వల్లె నవ్వు" పాత కి జానకి గారు నవ్వింత అందంగా తను నటించలేక పోయాను అని చెప్పారు. తరువాత జానకి గారు మాట్లాడుతూ, అప్పటికి ఇప్పటికి జయసుధ సిరిమల్లె పువ్వల్లె ఉంది అంటూ కితాబు ఇచ్చారు. ఒక్క సారి నవ్వు అని జయసుధ ని అడిగారు. జయసుధ గారు "మీరు నవ్వండి, నేను నట్టిస్తాను " అని చెప్పారు -జానకి గారు  ఆ పాట లో నవ్వినట్టే నవ్వేసారు ! సభికులు ఇంత కన్నా ఎక్కువ ఏమి ఆడగలరు చెప్పండి!

ఇంకా కొంచం సేపు ఈ సన్మానం కొనసాగి ఉంటె బాగుండు అని అనిపించింది. ఇంకా కొంచెం సేపు ముందే మొదలు పెట్టి ఉంటె బాగుండేది.

కాని,  అరగంట పాటు "ఐటెం" సాంగ్స్ కోసం కేటాయించారు :( . బుర్ర వేడెక్కిపోయింది  అసలు - అర్ధం పర్ధం లేని బాష, అంత కన్నా అంతుపట్టని , చెవులు మీద భారం వేసే "బీట్స్"! ఎప్పుడు ఎప్పుడు అయ్యిపోతుందా అని వేచి చూస్తూనే ఉన్నాం ! ఈ అరగంట మోత అయ్యిన తరువాత చెవులకి వినసొంపు గా ఉండే జానకి గారు పాటలని పాడి వినిపించారు, ఈ తరం గాయని మణులు. హమయ్య అనుకుంటున్నా తరుణం లో , సమయాభావం వాళ్ళ ఆ పాటల్ని ఆపేసి సన్మాన కార్యక్రమం మొదలు పెట్టారు!

ఈ కార్యక్రమం లో మేము ఆస్వాదించిన మరో ఘట్టం - చిత్ర గారు 6-7 పాటలు పాడారు. ఎంత ఎదిగినా ఎలా ఒదిగి ఉండాలి అని చిత్ర గారిని చూసే నేర్చుకోవాలి. ఆవిడ మాటల్లో లోని నిజాయితి బహుశా ఇంకా ఎవ్వరిలో ఉండదు ఏమో. జానకి గారికి సన్మానం జరుగుతున్నప్పుడు కూడా ఆవిడా అందరికంటే వెనకాలే నించున్నారు! "నాకు అమ్మ లేదు, జానకి గారే నాకు అమ్మ" అని ఆమె జానికి గారి పక్కనే కుర్చుని చెప్పారు! చిత్ర గారు పాడుతునంత సేపు సభికులు పరవసిన్చిపోయారు! ఇంత కన్నా ఇంకేం కావాలి అంది ఒక సంగీత కార్యక్రమ నుంచి :)

పండిట్ జనార్ధన్ అని ఒక సితార్ కళాకారుడు ఒకళ్ళు ఉన్నారు అని నాకు ఆ రోజే తెలిసింది. నేను ఎంతో ఇష్టం గ వినే ఘంటసాల భగవద్గిత కి సితార్ ఆయనే వాయించారు అని తెలుసుకుని మురిసిపోయాను ! కార్యక్రమం లో సితార్ కళాకారులు అందరు, ఆయనకీ ఇచ్చిన మర్యాద అపూర్వం ! కాకపోతే అయన పక్కన ఒక్క సినిమా తీసిన గబ్బరి సింగ్ డైరెక్టర్ కూర్చోవడమే నాకు ఇబ్బంది అనిపించింది!

మొదట్లో కోటి గారు కొన్ని పాటలు పాడారు - "ఈ పేట కి నేనే మేస్త్రి" లాంటి "మాస్" పాటలు పాడారు - ఈ మధ్య వచ్చే "ఐటెం" సాంగ్స్ కంటే ఎంతో వినసొంపు గా ఉన్నాయి అలనాటి "మాస్" పాటలు!  మొత్తానికి ఆ రోజు సాయంత్రం చాల ఆస్వాదించాం - ఆ అరగంట "ఐటెం" సాంగ్స్ లేకుండా ఉంటె, జానకి గారి సన్మానం ఇంకా బాగుండేది ఏమో :)

చివరిగా ఒక మాట. ఒక కార్యక్రమం ని నిర్వహించాలి అంటే,  సుమ ని ఎవ్వరు దాటలేరు. పక్కన ఉన్న వాళ్ళు ఎవ్వరు ఆమె తో సరి తూగరు .

  

అదన్నమాట! ఏప్రిల్ 29 - మే 5

కిందటి వారం మనం ఇంటర్ మీడియాట్ రెండో సంవత్సరం ఫిసిక్స్ పేపర్ మీద ఎంత రభస జరిగిందో చూసాం. అక్కడితో ఆ రభస ఆగలేదు అండి ! ముందు ఇచ్చిన పేపర్ కష్టం గా ఉంది అని చరిత్ర లో మొదటి సారి ఇంప్రూవ్మెంట్ పరీక్ష పెడతాము అన్నారు. అదీ చెప్పిన తరువాత, ఇంప్రూవ్మెంట్ పరీక్ష లో వచ్చిన మార్కులని మాత్రం రాంకుల కోసం పరిగనం లోకి తీసుకోము అన్నారు ! 

ఇంజినీరింగ్ మరియు మెడికల్ సీట్ల కోసం జరిగే కౌన్సిలింగ్ కి ర్యాంకులే ఆధారం. 25% ఇంటర్ మార్కులు, 75% ఎంసెట్ మార్కులు కలిపి ర్యాంకుల్ని ప్రకటిస్తారు. మొదటి దఫా కౌన్సిలింగ్ కోసం మాత్రం పాత మారుకుల్నే పరిగనం లోకి తీసుకుంటాము అని ముంది సెలవు ఇచ్చారు ప్రభుత్వ పెద్దలు. ఇంకా ఎందుకు అండి పరీక్ష పెట్టి ?? ఇంప్రూవ్మెంట్ రాసేది మంచి మార్కులు వస్తాయి అని ఆశ తో! కొంచం పెద్ద దుమారం ఈ రేగింది ఈ విషయం మీద. అప్పుడు మళ్ళి మంత్రులు సమావేశం అయ్యి, ఇంప్రూవ్మెంట్ పరీక్షల ఫలితాలు వచ్చాకే ర్యాంకులు ఇస్తాము అని చెప్పారు. 

మొత్తానికి ఈ సంవత్సరం లక్షలాది విద్యార్ధులకి తిప్పలు తప్పలేదు మరి! అదన్నమాట!

అదన్నమాట! ఏప్రిల్ 22-28

రాష్ట్రం ఈ వార ఒక అనూహ్య పరిణామం చోటు చేసుకుంది. రాజకీయాలకి సంబందించినది కాదు! 

ఇంటర్మీడియట్ రెండో ఏడాది పరీక్షలలో ఈ సారి ఫిసిక్స్ పేపర్ చాల చాలా కష్టం గా ఇచ్చారు అని అన్ని వర్గాల వారు విమర్శించారు. అసలు సిలబస్ లో లేని ప్రశ్నలు చాల ఇచ్చారు అని చెప్పుకొచ్చారు. ఫలితాలు విడుదల అయ్యాయి ఈ మధ్య - రాసిన వాళ్ళలో 31% మంది ఈ పరీక్ష తప్పారు అంట. చాల మంది కి తక్కువ మార్కులు కూడా వచ్చాయి. లక్షలలో రాస్తే, కేవలం దాదాపు 600 మందికే 60 కి 60 వచ్చాయి అంట. దీనితో ఇంకా పెద్ద దుమారం ఈ రేగింది రాష్ట్రం లో. 

కాని మంత్రి గారు మాత్రం ప్రశ్నలు అన్ని ప్రబుత్వం చెప్పిన పుస్తకం నుంచే వచ్చాయి అని చెప్పారు. పేజి నంబర్లతో సహా చూపించారు. ప్రైవేటు కళాశాలలు వాడే పుస్తకాల్లో అలాంటి ప్రశ్నలు లేకపోతె ఎవరిదీ తప్పు అని అడగకనే అడిగారు. అప్పటికి 21 నుంచి 18 కి తగ్గించారు కూడా పాస్ మార్కుని. మంత్రిగారు మాత్రం ససేమిరా అన్నారు, గ్రేసు మార్కులు ఇవ్వడానికి. 

ఇంతలో ఏమైందో - చరిత్ర లో మొదటి సారి, ఇంటర్మీడియట్ రెండో ఏడాది పరీక్షకి కుడా ఇంప్రూవ్మెంట్ పరీక్ష రాసుకునే వెసులుబాటు కలిపించారు. మొదటి ఏడాది విద్యార్దులకే ఇది ఇంత వరకు వర్తిస్తు వచ్చింది. మొదటి ఏడాది వాళ్ళు రాస్తే, అన్ని రాయాలి. కాని ఇప్పుడు, కేవల ఈ ఏడాది కి మాత్రమె, రెండో ఏడాది విద్యార్ధులు ఏ ఒక్క పేపర్ కోసం ఇంప్రూవ్మెంట్ రాసుకోవచు అంట. ఎంసెట్ అయ్యాక ఈ పరీక్ష పెడతారు. ఇంకా ఈ సారి పెట్టబోయే ఫిసిక్స్ పరీక్ష కష్టం గా కాకుండా, సులువు గానే ఇస్తారు అని మనకి అర్ధం అయ్యిపోయింది కదా అండి! 

ఇక పొతే, కేంద్ర ఎన్నికల సంఘం మన రాష్ట్రం లో 18 అసెంబ్లీ స్థానాలకి 1 లోక్ సభ స్థానం కి జరగబోయే ఎన్నికలకి తేది ప్రకటించింది. జూన్ 12 న ఎన్నికలు ! ఇక అన్ని పార్టీలు కసరత్తులు ముమ్మరం చేసాయి. కాని ఈ సారి కూడా కాంగ్రెస్స్ కి, తెదేపా కి భంగపాటు తప్పేటట్టు లేదు. వేచి చూడం మరి ఏమౌతుందో . 

ఇంకో పెను మార్పు - డాక్టర్ రాజశేఖర్ మరియు శ్రీమతి జీవిత రాజశేఖర్ భారతీయ జనత పార్టి లో చేరారు. అదన్నమాట! 

అదన్నమాట! ఏప్రిల్ 15-21

కాంగ్రెస్ అధిష్టానం వారు ఈ వారం ఇంకో నాయకుడుని ఇక్కడికి పంపిచారు. శ్రీ వాయలార్ రవి గారు డిల్లి నుంచి వచ్చారు. నాలుగు రోజులు ఉన్నారు. చాలా మంది నాయకుల్ని కలిసారు. అందరు అవే సమస్యలు మళ్ళి మళ్ళి వివరించారు. బొత్స గారు, కిరణ్ గారు సరిగ్గా నడిపించటం లేదు అనేది వారి సారంశం. ఈ పాత మనం ఎప్పటి నుంచో వింటూనే ఉన్నాం. కొత్త ఏమి ఉంది చెప్పండి ! పోనీ రవి గారు ఏమైనా కొత్త పరిష్కారం చూపించార అంటే, అదీ లేదు! ఎందుకు వచినత్తో, ఎందుకు వేల్లినత్తో మరి! అధినేత్రి కి నివేదిక ఇవ్వడానికే అయితే, ఆజాద్ గారు ఉన్నారు కదా? కోతగా రవి గారిని ఎందుకు పంపిచారు ? ఉప ఎన్నికలలో గెలవడానికి డిల్లి నుంచి నాయకులు వచ్చి నివేదికలు ఇస్తే ఎలా అండి? నియోజకవర్గం లో ప్రజలతో ఉండండి - గెలిచే అవకాశాలు మెరుగుపడతాయి! అదన్నమాట! 

అదన్నమాట! ఏప్రిల్ 8-14

వైఎసార్ గారిని తిట్టాలా వద్దా ? ఇది ఇప్పుడు కాంగ్రెస్స్ ని వేధిస్తున్న ప్రశ్న. ఎప్పటి లాగే ఒక వర్గం ఏమో తిట్టాలి అని, ఇంకో వర్గం ఏమో తిట్టకూడదు అని వాదించు కుంటున్నాయి. జగన్ అవినీతి ని యైఎసార్ అవినీతి ని వేరు గా చూడకూడదు అని కొందరు భావిస్తున్నారు. ఈ కొందరు లో చిరంజీవి గారు కూడా ఉన్నారు. ఈ వారం అంత వాదించుకున్నారు. ఇంకా ఏమి తేల్చలేదు ఈ కాంగ్రెస్స్ వాళ్ళు ! 

వీళ్ళు ఏది తేల్చిన వీళ్ళకి నష్టమే. వైఎసార్ గారు ఉన్నంత కాలం ఏమో విర్రవీగారు, విచాలవిది గా డబ్బులు సంపాదించారు. ఇప్పుడు ఏమో జగన్ గారు సోనియా గాంధి ని తిట్టినందుకు , అప్పట్లో జగన్ ఒక్కడే బాగా లబ్ది పొందినట్టు చెప్తున్నారు! వినే వారు ఉండాలే కాని, ఎంతకైనా తెగిస్తారు ఏమో వీళ్ళు ! అదన్నమాట!

అదన్నమాట ! ఏప్రిల్ 1-7

ఈ వారం అంతా మద్యం కుంభకోణం మీదే చర్చ . విజయనగరం లో తన వాళ్ళ మీద ఏసీబీ దాడులు ఎక్కువగా జరిపిస్తున్నారు అని అలిగిన బొత్స గారిని సముదాయించడానికి , ముఖ్యమంత్రి గారు సదరు ఆఫీసర్ ని బదిలీ చేసారు ! ఆ ఆఫీసర్ కి ప్రమోషన్ ఇచ్చి, వేరే చోటు కి పంపిచేసారు ! 

కాని ఏసీబీ వాళ్ళు మాత్రం ఈ తరుణం లో ఆఫీసర్ ని మార్చడం కష్టం అని చీఫ్ సెక్రటరీ కి నివేదిన్చుకున్నారు. అయిన సరే, ముఖ్యమంత్రి గారు ఆఫీసర్ వేల్లిపోవాల్సిందే అని చెప్పారు! ఆఫేసర్ మారిన, అక్రమ షాపుల పై దాడులు ఆగవు అని ఏసీబీ స్పష్టం చేసింది! 

ఇప్పుడు ఏమో షాపు వోనర్లు , మాకు ఏ తప్పు తెలియదు, అసలు వల్లనే పట్టుకోండి అని మొర పెట్టుకుంటున్నారు. అసలు వాళ్ళు అంటే, రాజకీయ నాయుక్లె మరి - వాళ్ళన్నిఎలా పట్టుకుంటారు లెండి! అదన్నమాట ! 

అదన్నమాట! మార్చి 25-31

ముఖ్యమంత్రి గారు కరెంట్ చార్జీలు పెంచారు. దాదాపు పది ఏళ్ల తరువాత కరెంట్ చార్జీలు పెరిగాయి. ఎప్పటికీ అప్పుడు చార్జీలు పెంచితే ఈ బాధ ఉండదు కదండీ? కాని మన పాలకులు ఆ పని చెయ్యరు. ఒకే సారి ఎక్కువగా పెంచేస్తారు చార్జీలు. దీనికి బదులు గా సంవత్సరం కి ఒక సారి కొంత శాతం పెంచుతూ ఉంటె, ఏ ఇబ్బంది ఉండదు కదా! 

"జగన్ అక్రమాస్తుల కేస్" అంటే ముందు ఎవర్ని ప్రశ్నించాలి అండి ? ఒక వేల ఆ కేస్ లో అర్రెస్ట్ జరిగితే ముందు ఎవర్ని అర్రెస్ట్ చెయ్యాలి అండి ? 

పై రెండు ప్రశ్నలకి నా సమాధానం అయితే జగన్. కాని మన రాష్ట్రం లో ఏమి జరిగిందో తెలుసా? కేస్ ఏమో ఆయన అక్రమంగా ఆస్తులు సంపాదించారు అని వేసారు. అయన అకౌంటంట్ ని అర్రెస్ట్ చేసారు. అయన పత్రిక ని విచారించారు. కాని అయన ని మాత్రం ప్రశ్నించలేదు. "జగన్ అక్రమాస్తుల కేస్" లో ఇప్పటి వరకు జరిగిన అర్రేస్ట్లు లో జగన్ గారి పేరే లేదు ! ఇదేం  విడ్డూరం అండి? 

జగన్ గారు ఏమో ఇంకా ఓదార్పు యత్రలోనే ఉన్నారు. ఎన్నాలు ఒడార్స్తారు అండి? సిబిఐ వాళ్ళు చార్జిషీట్ కూడా దాఖలు చేసారు కోర్ట్ లో. కాని జగన్ మాత్రం బయటే తిరుగుతునారు. ఆయనను నమ్మి సహకరించిన వాళ్ళు మాత్రం జైలు లో ఉన్నారు! అదన్నమాట! 

అదన్నమాట! మార్చి 18-24

అనుకున్నట్టు గానే ఉప ఎన్నికల ఫలితాలు కాంగ్రెస్స్ కి మరియు తెలుగు దేశం కి చెడు అనుభవాలను మిగిల్చాయి. మొత్తం ఏడు స్థానాల లోను ఈ రెండు పార్టీలు ఒక్కటి కూడా గెలవలేదు. నాలుగు స్థానాలు తెరాసా గెలుచుకున్నది. ఒక్క దాంట్లో తెరాసా మద్దతు తో నాగం జనార్ధన రెడ్డి గెలిచారు. ఒక స్థానం లో భారతీయ జనత పార్టి అభ్యర్ది గెలుపొందారు. మహబూబ్ నగర్ స్థానం లో భాజపా గెలిచింది - మిగతా పార్టీల నుంచి గట్టి పోటి వచ్చిన సరే, ఈ స్థానం లో నెగ్గింది. విశేషం ఏమిటి అంటే, ఈ నియోజకవర్గం శ్రీమాన్ కేసీఆర్ గారి లోక్ సభ పరిధి లోనే వస్తుంది ! 

ఇక పొతే, కొవ్వుర్ లో అనుకునట్టు గానే జగన్ పార్టి అభ్యర్ది ప్రసన్న కుమార్ రెడ్డి గారు గెలిచారు. దాదాపు 23,000 వోట్ల తేడా తో గెలిచారు. దీనితో ఇంకా జగన్ పార్టి వాళ్ళు సంబరాలు జరుపుకున్నారు. రాబోయే 18 సీట్ల ఎన్నికలలో కుడా గెలుస్తాము అనే ధీమా ఇప్పుడు వీరిలో ఏర్పడింది. ఇక పొతే - తెలుగు దేశం మరియు కాంగ్రెస్స్ పార్టీలు ఈ ఫలితాలని తట్టుకోలేక్పోతున్నాయి. గతం లో వారు గెలిచినా రెండు స్థానాలలో తెలుగు దేశం ఈ సారి డిపాసిట్ కూడా కోల్పోయింది ! 

కాంగ్రీ పార్టి లో ఎప్పుడు ఉండే అంతర్గత కుమ్ములాట మళ్ళి తెర పైకి వచ్చింది ! ముఖ్యమంత్రి గారే బాధ్యులు అని ఒక వర్గం దాడి చేస్తే, కాదు ఆయన గొప్ప వారు అని ఇంకో వర్గం ఎదురు దాడి చేస్తుంది! ఇప్పుడు జరిగిన ఏడు స్థానాలకే ఇలా కొట్టుకుంటే, రేపు పొద్దున్న 18 స్థానాలు ఓడిపోయినప్పుడు కాంగ్రెస్స్ పరిస్థితి ఎలా ఉంటాదో మరి! అదన్నమాట! 

అదన్నమాట! మార్చి 11-17

రాష్ట్రం లో క్రిందటి వారం లో చెప్పుకోదగ్గ విషయాలు ఏమి జరగలేదు అండి. ఈ వారం మాత్రం చాలా హడావిడి ఉంటుంది. 7 నియోజకవర్గాలలో ఉప ఎన్నికలు జరుగుతున్నాయి ఇవ్వాళ. ఆరు తెలంగాణా లో, ఒకటి నెల్లూర్ లో. నెల్లూర్ లో ఎన్నికల మీదే ఆసక్తి ఎక్కువ గా ఉంది అందరికి. జగన్ పార్టి గెలుస్తుంద? తెలుగు దేశం పార్టీ గెలుస్తుంద? కాంగ్రెస్స్ పార్టీ గురుంచి ఎలాగో ఎవ్వరు చర్చించుకోవటం లేదు లెండి - వాళ్ళకి ఓటమి ఖాయం! వచ్చే వారం చర్చిద్దాం. అంత వరకు సెలవు మరి! అదన్నమాట!  

అదన్నమాట! మార్చి 4-10

ఈ వారం లికర్ డాన్ బొత్స సత్యనారాయణ గారి బండారాన్ని ఈనాడు బట్ట బయలు చేసింది. విజయనగరం లో ఉన్న 12 మద్యం షాపులు లో 11 బొత్స దగ్గర పనిచేస్తున్న వాళ్ళవే. అందరికి తెల్ల రేషన్ కార్డులు ఉన్నాయి - అంటే పేద వాళ్ళు అన్నమాట! కింద చుడండి. అయితే మన బొత్స గారు ఏమని సెలవు ఇచ్చారో తెలుసా? ఈ కష్టాలు ఆయనికి జూన్ వరకు తప్పవు అంట - అప్పుడు జరిగే కొత్త వేలంపాటు లో అయన సహచారాలు ఎవ్వరు పాత పదారు అంట!! ఇప్పుడు మాత్రం కోట్లు కర్చుపెట్టుకుని, లాబాలు ఆర్జించాడు - దాని గురుంచి మనం ఏమి మాట్లాడకూడదు అంట! అదన్నమాట! 

అదన్నమాట! ఫిబ్రవరి 26-మార్చి 3

హమయ్య! ఎట్టకేలకు స్పీకర్ గారు ఒక నిర్ణయం తీసుకున్నారు అండి! ప్రబుత్వానికి వ్యతిరేకంగా వోట్ వేసిన 16 మంది ఎంఎల్యే లను స్పీకర్ గారు సస్పండ్ చేసారు. మరొక ఎమఎయే , శోభ నాగి రెడ్డి గారి రాజీనామా ని ఆమోదించారు. దీనితో రాష్ట్రం ఉప ఎన్నికల జోరు కి సన్నద్ధం అవుతుంది. ఈ నెల లో ఏడు స్థానాలకి ఉప ఎన్నికలు , మే చివరికి పదిహేడు స్థానాలు. నా అంచనా ప్రకారం కాంగ్రెస్స్ ఓటమి తధ్యం. తెలుగు దేశం, వైఎసార్ కాంగ్రెస్స్ పార్టీల మధ్య పోటి. ఎవరు ఎన్ని గెలుస్తారు అని మాత్రం ఇప్పుడే చెప్పలేము. దాని కోసం వేచి చూడాల్సిందే! అదన్నమాట! 

అదన్నమాట! ఫిబ్రవరి 19-25

ఈ వారం అసెంబ్లీ లో చాల వాడి వేడి చర్చలు జరిగాయి అండి. ప్రతిపక్షం వాళ్ళు అంకెల తో సహా పాలక పక్షం వాళ్ళని ప్రశ్నలు అడిగితె, పాలకపక్షం వాళ్ళు మళ్ళి పాత పాటే పాడారు. తెలుగు దేశం వాళ్ళు ప్రశ్నిస్తే, మీరు అధికారం లో ఉన్నప్పుడు ఎం పీకారు అని తెగ అడిగేశారు లెండి. మిగతా ప్రతిపక్షాలు అడిగితె, పెద్దగా పట్టించుకోలేదు కూడా! 

ముందుగ గవర్నర్ ప్రసంగానికి ధన్యవాదాలు తెలుపుతున్న తీర్మానాన్ని చర్చకు పెట్టారు. లోక్ సత్తా అధినేత జే పీ గారు మొదలు పెట్టారు. అసలు ప్రసంగం లో అవినీతి గురుంచి కాని, మద్యం వ్యాపారం గురుంచి కాని ప్రస్తావన కూడా లేకపోవడం ఏంటి అని ప్రశ్నించారు. ప్రభుత్వం ఏమి సమాధానం ఇవ్వలేదు. తరువాత చంద్రబాబు గారు మూడు గంటలు మాట్లాడారు. ఎప్పటికప్పుడు ఆయన మీద బురద జల్లడమే పని గా కొంత మంది నేతలు పెట్టుకున్నారు. ముఖ్యమంత్రి గారు కూడా ఏక వకాహనం లో సంభోదిస్తూ వచ్చారు. ఒక దాస లో ఏమో "మీరు హైటెక్ సిటి గురుంచి మాట్లాడితే, మేము ఎమ్మార్ గురుంచి మాట్లాడాల్సి వస్తది" అని కూడా అన్నారు అండి! ఎమ్మార్ అక్రమాలు అన్ని వైఎసార్ గారి హయాం లో జరిగాయి - దానికి హైటెక్ సిటి కి సంబంధం ఏంటి అండి ? యైఎసార్ గారి హయాం లో జరిగిన అవినీతి కి తెలుగు దేశం పార్టి కి సంబంధం ఏంటి అండి అసలు? 

పైగా, ముఖ్యమంత్రి గారు ఏమో రాజీవ్ యువ కిరణాలు వల్ల లక్ష మంది యువత కి ఉద్యోగాలు వచేశాయి అంట! ప్రతిపక్షాన్ని పక్కన పెట్టండి - కాంగ్రెస్స్ ఎమఎల్యేలే ఈ విషయాన్నీ అంగీకరించడం లేదు! ఆ లక్ష మంది పేర్లు , ఉద్యోగాలు ఎక్కడ ఎక్కడ చేస్తునది - ఈ వివరాలు మాత్రం ఎంత అడిగిన ప్రబుత్వం ఇవ్వటం లేదు. ఎందుకు సంసయిస్తున్నారు ?

ఆ తరువాత మద్యం వ్యాపారం మీద చర్చ మొదలు అయ్యింది. తన బందు వర్గం మొత్తం 30 మందికి మద్యం వ్యాపారాలు ఉన్నట్టు బొత్స గారే అంగీకరించారు. ఆయన చర్చ కు రాలేదు. మళ్ళి ముఖ్యమంత్రి గారు పాత పాటే పాడారు. చంద్రబాబు త్రుటి లో జైలు కి వెళ్ళే పరిస్థితి నుంచి 2003 లో తప్పించుకున్నారు అని మొదలుపెట్టారు. మళ్ళి ఇద్దరి మధ్య కోట్లత మొదలు అయ్యింది. ముఖ్యమంత్రి గారికి ఒక చర్చని ఎలా ప్రక్కదోవ పట్టించాలో బాగా తెలిసిపోయింది అనుకుంటాను. ప్రతిపక్ష నాయకుడు మీద బురద జల్లడం, ఇక ఆ పైన కోట్లాడుకోవడం. మరుసటి ఉదయం పత్రికల్లో ఈ కోట్లత గురుంచి రాస్తారు కాని అసలు చర్చ గురుంచి రాయరు కదా ! అదన్నమాట! 

అదన్నమాట! ఫిబ్రవరి 12-18

రాష్ట్ర అసెంబ్లీ సమావేశాలు మొదలు అయ్యాయి అండి. అనుకునట్టు గానే మొదటి మూడు రోజులు సభ ఏమి చర్చికుండానే వాయద పడింది ! తెలుగు దేశం వాళ్ళు ఏమో మద్యం సిందికెట్లు గురుంచి చర్చించాలి అని పట్టు బట్టారు. తెరాస మరియు భాజపా ఏమో తెలంగాణా గురుంచి చర్చించాలి అని పట్టు బట్టారు ! ప్రబుత్వం ఏమో, అన్ని చర్చిద్దాం - కాని తరువాత చర్చిద్దాం అని చెప్తూ వచ్చింది. ఈ నేపద్యం లో సభ వాయద పడింది ! 

అయితే, బొత్స సత్యనారాయణ గారు తెదేపా మీద విరుచుకుపడ్డారు. ఎందుకు ? ఒక్క మద్యం వ్యాపారం గురుంచి మాత్రమె ఎందుకు మాట్లడుతునారు అని !! రైతులు సమస్యలు ప్రతి పక్షానికి పట్టవ అని అడిగారు !!! ఇదేం విడ్డూరం అండి ! సాక్షాతూ పలక పక్షం వాళ్ళు, ఈ ఒక్క సమస్యే ఎందుకు, మిగతా సమస్యులు గురుంచి కూడా అడగండి అని ఎక్కడైనా చెప్తారా అండి ? ఇన్ని సమస్యలు ఉన్నాయి అని చెప్పకనే చెప్పారు కదా! ఇది సరిపోక, ముఖ్యమంత్రి , ప్రతి పక్ష నాయకుడు కుమ్మక్కు అయ్యారు అని కూడా చెప్పారు అంట! ఇది మన రాజకీయాలు - కాంగ్రెస్స్ పార్టీ అధ్యక్షుడు, తన ముఖ్యమంత్రి మరియు ప్రతిపఖ్స నేత కుమ్మకు అయ్యారు అని చెప్పడం ఎప్పుడైనా విన్నారా అండి ? 

ఇది ఇలా ఉండగా, రాష్ట్ర హై కోర్ట్ చంద్రబాబు మీద విజయమ్మ గారు వేసిన కేసు ని కొట్టి పారేసింది ! ఇక తెదేపా శ్రేణుల్లో సంబరాలు ఆరంభం అయ్యాయి ! అదన్నమాట! 

అదన్నమాట! ఫిబ్రవరి 5-11

ముఖ్యమంత్రి గారు మళ్ళి తన మంత్రి వర్గాన్ని విస్తరించారు. ఖాళి గా ఉన్న మూడు మంత్రి పడవలుని నింపారు. చాలా మంది మంత్రుల  శాఖలలో మార్పులు కూడా చేద్దాం అనుకున్నారు అంట. కాని సోనియా గాంధీ ఒప్పుకోలేదు. బద్గాట్ సమావేశాలు ఇంకో వారం ఉంది అనగా శాఖలు మారిస్తే కష్టం అని మార్చారు అని చెప్పారు. వినడానికి బానే ఉంది ... అయితే ముఖ్యమంత్రి గారు చిన్న ట్విస్ట్ ఇచ్చారు. ఉప ముఖ్యమంత్రి దగ్గర ఉన్న వ్యవసాయం తీసుకుని ఇంకో మంత్రి కి ఇచ్చారు ! వ్యసాయం ఎంత పెద్ద శాఖ అండి? బడ్జెట్ సమావేశాలకి కొత్త మంత్రి సంనిడ్డం అవుతార అండి? అంటే వ్యవసాయం మీద అంతా అలుస ఈ ముఖ్యమంత్రి కి? ఇది ఒక్కటే కాదు అండి - తన ప్రత్యర్ధి డీ ఎల్ రవీంద్ర రెడ్డి దగ్గర ఉన్న శాఖల్లో నుంచి వైద్య విద్య శాఖ తీసేశారు. కొత్త మంత్రులు మరి బడ్జెట్ సమావేశానికి సన్నద్ధం అయ్యిపోతార అండి? శాఖలు మారిస్తే బడ్జెట్ సమావేశాల్లో ప్రతిపక్షాన్ని ఎదురుకోవడం కష్టం అంటారు - అన్న తరువాత వ్యవసాయం, వైద్య విద్య సాఖలని మారుస్తారు ! 

ఇది ఇలా ఉండగా, మరో మంత్రి పేరు మద్యం వ్యాపారుల కుంభకోణం లో బయట పడింది. ఒక వ్యాపారి మంత్రి మోపిదేవి వెంకటరమణ కు పది లక్షల రూపాయలు లంచం ఇచ్చినట్టు ఏసీబీ తన నివేదిక లో పెర్కుంది. అయితే, ఎప్పటి లాగే మంత్రి గారు రాజీనామా కి సిద్దపడ్డారు , ఇతర నాయకులు వద్దు అన్నారు.. అయన మంత్రి గానే కొనసాగుతారు ! 

క్రిందటి వారం ఏమో ఎన్నడు లేని విధంగా ఎనిమిది మంది సమాచార హక్కు కమిశార్న్లను నియమించారు. ఈ వారం , ముఖ్యమంత్రి గారు రాష్ట్రం చరిత్ర లో మొదటి సారి గా, ఆరుగురు విప్లను నియమించారు! అదన్నమాట! 

అదన్నమాట! : జనవరి 29 - ఫిబ్రవరి 4

దాదాపు 72 మంది ఐఏఎస్ ఆఫీసర్లు మొన్న ముఖ్యమంత్రి ని కలిసారు. ప్రభుత్వ పెద్దలు తీసుకున్న నిర్ణయాలు నేపెధ్యం లో ఆఫీసర్లు ని బలిపసువులు చెయ్యడం ఎంత వరకు సమంజసం అని ప్రశ్నించారు. వాళ్ళ ఆవేదన కి నేపధ్యం ఈ మధ్య ఇద్దరు సీనీయర్ ఐఏఎస్ ఆఫీసర్ల అర్రెస్ట్ ఉదంతం. 

యైఎసార్ గారు అధికారం లో ఉనప్పుడు విచ్చలవిడి గా ప్రబుత్వ ఖజానా దోపిడీ కి గురు అయ్యింది అని తెలిసిందే. అయితే, ఆ దోపిడీ ని ప్రోత్సహించింది అప్పటి మంత్రులు, ఇతర రాజకీయ నాయకులు. శ్రీ లక్ష్మి అనే ఐఏఎస్ ఆఫీసర్ ని అక్రమ గనుల కేస్ లో అర్రెస్ట్ చేసారు. ఈ కేస్ లో ఒక్క రాజకీయ నాయకుడు కూడా అర్రెస్ట్ అవ్వలేదు. రాజకీయ అండ దండలు లేకుండా కేవలం ఒక ఐఏఎస్ ఆఫీసర్ అంత పెద్ద నిర్ణయం తీసేసుకుంటార ? బీ. పీ . ఆచార్య గారిని ఎమ్మార్ కుంభకోణం కేస్ లో అర్రెస్ట్ చేసారు. ఏమార్ లోని స్థలాలు, ఇల్లులు తక్కువ రేట్ కి అమ్ముతునట్టు చూపించి, అమ్మిన వల్ల దగ్గర ఎక్కువ డబ్బులు తీసుకునారు అని ఒక అభియోగం. అమ్మింది ఏమో పలుకుబడి ఉన్న సిని తారలు, రాజకీయ నాయకుల కి. ఆచార్య గారు APIIC కి ఎండీ . APIIC అధ్యక్షుడు రాజకీయ నాయకుడు ఉంటాడు - అయిన ఈ కేస్ లో ఒక్క రాజకీయ నాయకుడ్ని కూడా అర్రెస్ట్ చెయ్యలేదు. 

యైఎసార్ గారి హయాం లో ఇలాంటి అక్రమాలు ఇంకా ఎన్నో ! అన్నిటికి ఆఫెసార్లదే బాధ్యత మరి? ఆఫీసర్ల ఆవేదన కి చాలా అర్ధం ఉంది - ఇది నేను అంటున్న మాట కూడా కాదండి. సాక్షాతూ రాష్ట్ర ఆర్ధిక మంత్రి గారు నిన్న ఇదే మాట అన్నారు. "దోచుకున్న వారు ఏమో యాత్రలు చేస్తున్నారు , ఆఫెసార్లు మాత్రం జైలు కి వెళ్తున్నారు" అని ఆయనే చెప్పారు. ఈయన ఒక కాంగ్రెస్స్ మంత్రి - దోచుకునప్పుడు జగన్ గారు కాన్గేస్స్ వ్యక్తే - ఇది మన రాష్ట్ర దరిద్రం. అదన్నమాట! 

అదన్నమాట! : జనవరి 22-28

"పార్టి ని అమ్ముకున్న వాళ్ళు నాన్న గారి కాలి గోటికి కి కూడా సరి తూగారు  " అని శ్రీమాన్ బాలకృష్ణ గారు చిరంజీవి ని ఉద్దేశించి ఘాటు వ్యాఖ్యలు చేసారు. గత రెండు వారాలు గా వీల ఇద్దరి మధ్య మాటల తూటాలు పేలుతూనే ఉన్నాయి. ఇది చూసే వాళ్ళకి కర్చు లేని వినోదాన్ని అందించింది. బాలకృష్ణ చిన్న పిల్లడు అని చిరంజీవి అనడం, దానికి బాలయ్య "అవును, ఆయన చాలా ఎదిగాడు" అని వ్యంగ్యాస్త్రాలు సంధించడం ప్రేక్షకులకి వినోదాన్ని ఇచ్చాయి. 

ఇది ఇలా ఉండగా, బాలకృష్ణ క్రియాశీల రాజకీయాల లోకి పూర్తి గా వచ్చేసారు. 2014 ఎన్నికలల్లో పోటి చేస్తునట్లు ప్రకటించారు. అంతే కాకుండా, కృష్ణ మరియు విశాఖ జిల్లాలలో పర్యటించారు, కార్యకర్తలను ఉత్సాహ పరిచారు కూడా. బాలకృష్ణ రావడం తో కోస్తా, రాయలసీమ లో జగన్ పార్టి కి తెదేపా గట్టి పోటి ఇవ్వడానికి సిద్దం అయ్యింది. కాంగ్రెస్స్ ఎలాగో తన కొంప కొల్లేరు చేసుకుంటుంది - కాబట్టి రాబోయే ఉప ఎన్నికలల్లో పోటి కేవలం జగన్ కి తెదేపా కి ఉంటుంది. 

ఉప ఎన్నికలు అంటే గుర్తు వచ్చింది అండి - మన స్పీకర్ గారు ఇంకా ఆ 17 ఎమఎల్యేలను బర్తరఫ్ చెయ్యలేదు ! ఎంత సాగాతీస్తే అంత మంచిది అని అనుకుంటునారు ఏమో! సాగాతీసేకొడ్డి నష్టపోయేది కాంగ్రెస్స్ పార్టి ఈ కదా! అదన్నమాట! 

అదన్నమాట! : జనవరి 15-21

ముఖ్యమంత్రి గారు డిల్లి వెళ్ళరు అండి. వెళ్ళిన రోజూ దాదాపు రెండు గంటలు ఘులాం నబి ఆజాద్ గారితో చర్చించారు. మరుసటి రోజూ మళ్ళి ఒక గంటనర్ర చర్చించారు. ఆ తరువాత సోనియా గాంధి తో ఇంకో గంట పైగా చర్చించారు. ఇన్ని గంటలు చర్చిస్తే ఏదో అయ్యిపోతుంది అని ఊహించాం. జరిగింది ఏంటి మరి ? - ఒకప్పటి చిరంజీవి పార్టీ కి సంభందించిన ఇద్దర్ని మంత్రివర్గం లోకి తీసుకున్నారు. శంకర్ రావు గారిని తప్పించారు! ఇంతే! 

బొత్స గారు కూడా డిల్లి వెళ్ళరు. ముఖ్యమంత్రి గారి తో కాకుండా, ఆయన వేరు గా మాట్లాడారు ఆజాద్ గారితో. ముఖ్యమంత్రి గారు ఏమో మంత్రివర్గ పూర్తి ప్రక్షాళన చేద్దాం అనుకుని వెళ్ళరు. బొత్స గారు దానికి వ్యతిరేకం అంట. అందుకే ఈ సారి బొత్స గారు గెలిచినట్టు వార్తల్లో రాసారు. బొత్స గారు యధాప్రకారం గా ఈ వార్తలని ఖండించారు అనుకోండి. 

అయితే, ఇక్కడ మనం చర్చిన్చోకవాల్సిన విషయం ఇంకోటి ఉంది అండి. చిరంజీవి గారు ఒకప్పుడు నడిపిన పీఆర్పీ కి చెందినా శ్రీ ఘంట శ్రీనివాస్ గారు, శ్రీ సి. రామచంద్రయ్య గారు మంత్రులు గా ప్రమాణ స్వీకారం చేసారు. వీరు ఇద్దరు 2009 వరకు తెలుగు దేశం సభ్యులు, ముఖ్యులు కూడా. వీళ్ళు ఏమి చిరంజీవి వల్ల పైకి వచ్చిన వాళ్ళు కాదు. చిరంజీవి తపపెట్టిన సామజిక న్యాయం వీళ్ళ వల్ల ఏ మాత్రం రాదు. చిరంజీవి కాంగ్రెస్స్ లోకి కలిసాక, ఆ పార్టి కే వోటు వెయ్యాలి అండి - బెదిరించి వేరే పార్టి కి వోటు వేసే అంత సీన్ లేదు ఆయనకి. రెండు మంత్రి పడవలు ఇస్తే తీసుకోవడం తప్పించి పెద్దగా చేసేది ఏమి లేదు. ఈ శాఖలు వద్దు, ఆ శాఖలు కావాలి అని మారాం చెయ్యడం చాల విడ్డురంగా ఉంది. 

ఏదైతే ఎం - చిరంజీవి గారిని నమ్ముకున్న వారికి చెడు అనుభవాలే మిగిలాయి. ఎప్పటి నుంచో ఆరి తేరిన నాయకులు ఇద్దరు మంత్రులు అయ్యారు. అదన్నమాట! 

అదన్నమాట!: జనవరి 1-7

ముందుంది మరింత మంచి కాలం అని మన ముఖ్యమంత్రి గారు ఆ మధ్య సెలవు ఇచ్చారు కదండీ. ఈ వారం పరిశ్రమలకు ఒక వారం ప్రకటించింది ప్రబుత్వం. ఇప్పుడు నెలలో 5 రోజులు పరిశ్రమలకు కరంట్ ఇవ్వటం లేదు. ఇక మీదట నెలలో 12 రోజులు ఇవ్వరు అంట! ఇది ఇలా ఉండగా, కరంట్ చార్జీలు కూడా పెంచుతున్నారు అంట. 

రాష్ట్రంకి ఘులాం నబి ఆజాద్ గారు వచ్చారు. పార్టి కి ప్రభుత్వానికి సమంవయం పెంచడానికి వచ్చారు అంట. ఇది అదును గా తీసుకుని, రాష్ట్ర కాంగ్రెస్స్ నేతలు అంతా ముఖ్యమంత్రి గారి ఏక పక్ష పని తీరు మీద అసహనం వ్యక్త పరిచారు. ఆజాద్ గారు అన్ని విన్నారు.. వెళ్ళిపోయారు! సాక్షాతూ ఉప-ముఖ్యమంత్రి గారు కూడా తన గోడు చెప్పుకునారు అంట. మన సంగతి ఏమో కాని, ముఖ్యమంత్రి గారి "కాలం" మాత్రం అస్సలు బాలేనట్టు గా ఉంది ! 

ఇది ఇలా ఉండగా, స్పీకర్ గారు ఏమో ఇంకా 17 ఎమ్యెల్యేలు మీద ఎలాంటి చర్యలు తీసుకోలేదు. త్వరలో తీసుకుంటారు అంట. అదన్నమాట! 

ముఖ్యమంత్రి గారికి ఒక లేఖ ...

గౌరవనీయులైన ఆంద్ర ప్రదేశ్ ముఖ్యమంత్రి గారికి,

పేదల కోసం మీరు పడుతున్న తపన చూసి మాకు కళ్ళు చేమ్మగిల్లుతున్నాయి. ఈ మధ్య మీరు వాళ్ళు బియ్యం కోసం పెట్టె కర్చుని ఏకంగా 50% తగ్గించి వాళ్ళకి చేసిన మేలు ఎప్పటికీ మర్చిపోలేము ఏమో. కిలో కి రెండు రూపాయలు చేల్లించుకోలేని పరిస్థితి లో దాదాపు రాష్ట్రం లోని 2 కోట్ల కుటుంబాలు ఇబ్బంది పడుతుంటే, అదీ మీరు చూడలేక, చూసినా భరించలేక, వెంటనే స్పందించి - ఇంక రెండు రూపాయలు కుడా కర్చుపెట్టద్దు , నేను మీకు అదీ 50% తగ్గిస్తాను; ఇక మీదట కేవలం ఒక్క రూపాయి మాత్రమె ఇవ్వండి, కిలో బియ్యం తీసుకు వెళ్ళండి అని ప్రకటించేశారు. అంతే కాకుండా, ఇంకో 25 లక్షల తెల్ల రేషన్ కార్డ్లు కూడా ఇచ్చేస్తాము , పండగ చేసుకోండి అని సెలవు ఇచ్చారు ! 2.25 కోట్ల రేషన్ కార్డ్లకి మీరు కిలో రూపాయి కి బియ్యం ఇస్తున్నారు. అంటే దాదాపు 8 కోట్ల ప్రజలకి ఈ పధకం వర్తిస్తుంది. మిగిలిన 50 లక్షలు మంది ఎం పాపం చేసారు సార్ - వాళ్ళకి కూడా ఇచ్చేయండి కిలో రూపాయి కి. మర్చిపోయా - మిగిలిన వాళ్ళ దగ్గర పన్ను రూపేణా డబ్బు లాగుకుని, ఈ పధకం కోసం అయ్యే కేవలం 600 కోట్ల రూపాయల అదనపు భారాన్ని మొయ్యాలి కదా ... అసలు సార్ మీది బుర్రే బుర్ర ! కానివ్వండి ... ఇలానే కానివ్వండి !

సార్ - మీలో ఇంకో గొప్ప లక్షణం ఉంది అంట కద? ఏ పరిస్థితి ని ఆయినా భలే అర్ధం చేసుకుంటారు అంట కద ? ఈ మధ్యనే మాకు కూడా అర్ధం అయ్యింది. అక్కడ అక్కడ అల్లరి చిల్లర గా తెలంగాణా లో జరుగుతున్న ఈ సకల జనుల సమ్మె వల్ల సామాన్య ప్రజలకు బాగా ఇబ్బంది అవుతుంది అని మీరు సెలవు ఇచ్చారు చుడండి.... సార్, అసలు మీది బుర్రే బుర్ర ! కేవలం 14 రోజుల నుంచి సమ్మె జరుగుతున్నా సరే, మీరు ఇంత అద్భుతం గా భలే ఆలోచించారు సార్. సరదాగా రోజుకి రెండు నుంచి ఆరు గంటల విద్యుత్ కొత్త అంట కదా ? బస్సులు నడవటం లేదు అంట కద? విద్యా సంస్థలు మూసివేసారు అంట కద? మధ్యలో ఆటోలు, రైళ్ళు కూడా రెండు రోజులు నడవలేదు అంట కద ?. కేవలం ఇలాంటి చిన్న చిన్న ఇబ్బందలుకే మీరు సామాన్యుడు గురుంచి అంత లాగ ఆలోచించారు అంటే .... నీళ్ళు , కళ్ళలో నీళ్ళు వస్తున్నాయి సార్.

రెండు నెలలు నుంచి సమ్మె చేస్తాం అని మీకు చెప్పినా, అసలు మీరు పెద్దగా పట్టించుకోలేదు. ఇప్పుడు సమ్మె జరుగుతున్న మీరు పెద్దగా పట్టించుకోవటం లేదు. అసలు నాయకులకి ఉండాల్సిన లక్ష్యం ఇదే సార్. ఇలాంటి చిన్న చిన్న విషయాలు పెద్దగా పట్టించుకోకపోవడం. మొన్న ఆ మధ్య మీ మంత్రి వర్గం లోని 12 మంది రాజీనామా చేసి పని చెయ్యలేదు అంట కద ? హొం మంత్రి కూడా రాజీనామా చేసారు అంట కద? అసలు అంత మంది పని చెయ్యక పోయిన, ఆ బాధ్యత ని కూడా మీరు మీ భుజాల మీద వేసుకున్నారు అంట కద ? ఆఫీస్ కి రావద్దు లే, ఇంటి నుంచే ఫైల్స్ క్లీయర్ చేసిన పర్వాలేదు అని వాళ్ళకి మీరు ఇచ్చిన ప్రోత్సాహం - అసలు సార్, మీదే బుర్రే బుర్ర !

మీ మంత్రి వర్గం లోని ఇంకో మంత్రి, శ్రీమాన్ శంకర్ రావు గారు రోజుకి ఒక సారి మిమ్మల్ని కాని, తోటి మంత్రులను కాని ఏదో ఒకటి అంటూనే ఉంటారు. ఒక మంత్రి మిగతా మంత్రుల మీద విచ్చల విడి గా అక్రమార్జన ఆరోపణలు చేస్తున్నారు. ఒక మంత్రి గా, కనీసం మనిషి గా పాటించాల్సిన హుందా ఏ మూల ఉండదు ఆయనికి. ఆయినా సరే, మీరు పెద్దగా పట్టించుకోరు చుడండి - అదీ సార్ మీలో గొప్పతనం!

ప్రబుత్వ ఉద్యోగులు పని చెయ్యకపోయినా, మంత్రులు పని చెయ్యక పోయినా, బస్సులు , ఆటోలు, రైళ్ళు లాంటివి నడవకపోయినా, బొగ్గు ఉత్పత్తి దెబ్బ తిన్నా - మీరు చిరంజీవి గారితో కలిసి విశాఖపట్నం లో బహిరంగ సభకి వెళ్లి, అక్కడ ఏమో మీ పార్టి ఈ సారి లోక్ సభ కి రాష్ట్రం లో ఉన్న మొత్తం 42 సీట్లు గెలిచిపోతుంది అని ధీమా వ్యక్తం చేసారు. మీలో ఉన్న ఈ నమ్మకానికి అందుకోండి మా జోహార్లు. రాష్ట్రం ఇంత క్లిష్ట పరిస్థితి లో ఉంటె, మీరు మీ బిజీ స్కెడ్యూల్ లోంచి కొంచం సమయం, "సకల జనుల సమ్మె విరమించండి, ప్రజలు ఇబ్బంది పడుతున్నారు" అని విన్నవిస్తున్నారు చుడండి సార్.... అదీ సార్ మీలో ఉన్న గోప్పతన్నం. ముఖ్యమంత్రి గా సమస్య ని పరిష్కరించాల్సింది పోయి, కేవలం ప్రకటనలు ఇస్తున్నారు అంటే, అసలు మీలో ఒక అదీ, ఒక ఇది ... అబ్బబ్బబ్బా అసలు మాటలు రావటం లేదు అండి !

రాష్ట్రం లో రైతులు పంట విరామం ప్రకటించారు అంట కదా ? ఎరువుల ధరలే కారణం అంట కదా? అసలు పంట పండిచకపోవడం ఎంటండి ? అసలు ఈ చిన్న ఆపద మీ అభిప్రాయం వినే భాగ్యం మాకు ఇంకా కలగలేదు. వ్యవసాయ మంత్రి (అయన ఉప ముఖ్య మంత్రి కూడా ) గారు కూడా వారి స్పందన ఏమి చెప్పినట్టు లేరు మరి.

కిలో రూపాయి బియ్యం పధకం కోసం సోనియా గాంధి గారి అనుమతి తీసుకున్నారు అంట కద ? మీరే చెప్పారు లెండి - ఈ అద్భుతమైన పధకం కి సోనియా గారికి మనం కృతఙ్ఞతలు చెప్పాలి అని , అందుకే అడుగుతున్నా ! మరి తెలంగాణా సమస్య వల్ల అక్కడ అక్కడ ఇబ్బంది పడే కొంత మంది సామాన్యులు కూడా సోనియా గాంధి నే ప్రశ్నించాలా ? అమ్మో వద్దు లెండి, ఆమెని ఏమైనా అంటే మీరు మీ పార్టీ వాళ్ళు ఊరుకోరు ... ఎందుకు వచ్చిన గొడవ లెండి.

ఈ సమ్మెలు , బంద్లు , పుకార్లు, గొడవలు అన్ని పట్టించుకోవద్దు సార్. మీ లక్ష్యం వైపు ముందుకు దూసుకు వెళ్ళండి. ఇప్పటికే మీ ప్రభుత్వం రాష్ట్రం లో 8 కోట్ల మందిని పేద వాళ్ళను చేసింది. ఈ సంఖ్యా పెరగాలి అని మీరు పడుతున్న తపన, దాని కోసం పడుతున్న శ్రమ - ఈ రెండిటిని ఏ శక్తి ఆపలేవు. మీ పాలన లో మరింత మంది పేదలు పెరగాలి అని ఆకాంక్షిస్తూ ....

భవదీయుడు,

సుధీర్ కుమార్

అదన్నమాట! : సెప్టెంబర్ 4-10

ఈ వారం కూడా జగనన్న మీదే చర్చలు అన్ని ! జగన్ అన్న డిల్లి వెళ్ళరు అండి. అక్కడికి వెళ్లి - ఇంగ్లిష్ చానెల్స్ వాళ్ళకి ఇంటర్వ్యూ ఇచ్చారు. అందులో చాలా స్పష్టం గా - బీజేపీ తో కలిసే ప్రసక్తి ఈ లేదు అని ఖచ్చితం గా చెప్పారు. 2014 లో అవసరం అయితే యుపీఏ సర్కారు కు మద్దత్తు ఇస్తాము అని కూడా చెప్పారు అండి !! ఈ వ్యాఖ్యలు చాల దూమారం లేపాయి.

రాష్ట్రం లో ఏమో ఇన్ని ప్రగల్భాలు పలికి ఇప్పుడు సేబేఐ కాసులు పెట్టగానే ఇలా ప్లేటు ఫిరయిస్తారు అని కల లో కూడా ఉహించలేదు ఇక్కడ మద్దతుదారులు ! ఇంతే కాకుండా, డిల్లి లో ఎవరిని పెడితే వారిని కలిసి, సేబేఐ దాడుల గురుంచి మొర పెట్టుకున్నారు అంట. ఆఖరికి లాలు ప్రసాద్ యాదవ్ దగ్గరికి కూడా వెళ్ళారు అంట! ప్రధాన మంత్రి ని కూడా కలిసారు అంట, కాని సి బీ ఐ విచారణ గురుంచి చర్చచించ లేదు అంట. రాష్ట్రం లో రైతుల సమస్య గురుంచి చర్చించారు అంట! ఈయన చెప్పడం, ప్రధాన మంత్రం వినడం - సరిపోయింది లే !

జగన్ అవినీతి చిట్టా ఒక్కొకటి గా బయటికి వస్తుంది. కాంగ్రెస్స్ వాళ్ళకి కూడా ఇక వైఎసార్ ని వెనకేసుకొని రావడం కష్టం అయ్యిపోతుంది ! ముందు ముందు చూడాలి, ఈ తమాషా ఎలా సాగుతుందో ! అదన్నమాట!